തൊഴില് പരിശീലനവും വായ്പയും
കേന്ദ്ര സര്ക്കാരിന്റെ മൈക്രോ, സ്മോള് & മീഡിയം എന്റര്പ്രൈസസ് മന്ത്രാലയത്തിന് കീഴിലുള്ള അഖിലേന്ത്യാ ഖാദി ഗ്രാമ വ്യവസായ കമ്മീഷന് എറണാകുളം വടക്കന് പറവൂരിലുള്ള ഖാദി ഗ്രാമോദ്യോഗ് ട്രെയിനിങ് സെന്ററില് താഴെപറയുന്ന കോഴ്സുകളില് പരിശീലനം നല്കും. പരിശീലനത്തിനു ശേഷം ഖാദി ഗ്രാമ വ്യവസായ കമ്മീഷന്, ഖാദി ബോര്ഡ്, ഡി.ഐ.സി എന്നിവ വഴി 35 ശതമാനം വരെ തുകയുടെ സബ്സിഡിയോടുകൂടി ബാങ്കുകളില് നിന്നും തൊഴില് വായ്പകളും ലഭ്യമാക്കും. ആരംഭിക്കുന്ന കോഴ്സുകളും അപേക്ഷിക്കാനുള്ള യോഗ്യതയും : സെമി ആട്ടോമാറ്റിക് ലൂം ഖാദി വീവിങ് (ആറ് മാസം) അഞ്ചാം ക്ളാസ്, പ്രതിമാസം 800 രൂപ സ്റൈപ്പന്റ്, കാര്പ്പന്ററി പരിശീലനം (ആറ് മാസം) അഞ്ചാം ക്ളാസ്, പ്രതിമാസം 800 രൂപ സ്റൈപ്പന്റ്, പേപ്പര് കണ്വര്ഷന് പരിശീലനം (രണ്ട് മാസം), എട്ടാം ക്ളാസ്, പ്രതിമാസം 800 രൂപ സ്റൈപ്പന്റ്, കറി പൌഡര് & മസാല നിര്മ്മാണ പരിശീലനം (ഒരു മാസം) അഞ്ചാം ക്ളാസ് പ്രതിമാസം 800 രൂപ സ്റൈപ്പന്റ്, റൂറല് എഞ്ചിനീയറിങ് പരിശീലനം (ആറ് മാസം), എസ്.എസ്.എല്.സി, പ്രതിമാസം 800 രൂപ സ്റൈപ്പന്റ്, പഴസംസ്കരണത്തിലും അച്ചാര് നിര്മ്മാണത്തിലും പരിശീലനം (രണ്ട് മാസം), പ്രതിമാസം 800 രൂപ സ്റൈപ്പന്റ്, അഗര്ബത്തി നിര്മ്മാണ പരിശീലനം (ഒരു മാസം), അഞ്ചാം ക്ളാസ്, 800 രൂപ സ്റൈപ്പന്റ്, ടൈലറിങ് & എംബ്രോയ്ഡറി പരിശീലനം (അഞ്ച് മാസം), എട്ടാം ക്ളാസ് പാസ്സ്, പ്രതിമാസം 100 രൂപ വീതം ഫീസ് നല്കണം. റിപ്പയറിങ് ഓഫ് ഡീസല് എഞ്ചിന് പരിശീലനം (ഒരു മാസം) എട്ടാം ക്ളാസ് 100 രൂപ ഫീസ് നല്കണം. പ്ളംബിങ് പരിശീലനം (ഒരു മാസം), എട്ടാം ക്ളാസ്, 100 രൂപ ഫീസ് നല്കണം., കമ്പ്യൂട്ടര് പരിശീലനം (ഡി.റ്റി.പി) (മൂന്ന് മാസം), എസ്.എസ്.എല്.സി, പ്രതിമാസം 500 രൂപ വീതം ഫീസ് നല്കണം. കമ്പ്യൂട്ടര് ഹാര്ഡ് വെയര് പരിശീലനം (മൂന്ന് മാസം), എസ്.എസ്.എല്.സി, പ്രതിമാസം 500 രൂപ ഫീസ് നല്കണം. ബ്യൂട്ടീഷന് പരിശീലനം (മൂന്ന് മാസം), എട്ടാം ക്ളാസ് പ്രതിമാസം 1000 രൂപ ഫീസ്. അഡ്വാന്സ് ബ്യൂട്ടീഷന് പരിശീലനം (ഒരു മാസം) എട്ടാം ക്ളാസ്, 1500 രൂപ ഫീസ്. കണ്ണട ലെന്സ് നിര്മ്മാണ പരിശീലനം (രണ്ട് മാസം), എട്ടാം ക്ളാസ് പ്രതിമാസം 1000 രൂപ ഫീസ്. ഓട്ടോമാറ്റിക് കണ്ണട ഫിറ്റിങ് ടെക്നിക്കല് പരിശീലനം (ഒരു മാസം), എട്ടാം ക്ളാസ് 5000 രൂപ ഫീസ്. മെഴുകുതിരി നിര്മ്മാണ പരിശീലനം (രണ്ട് ആഴ്ച) എഴുതുവാനും വായിക്കുവാനും അറിയണം, 100 രൂപ ഫീസ്. പെര്ഫ്യൂം മേക്കിങ് പരിശീലനം (ആറ് ദിവസം), എഴുതുവാനും വായിക്കുവാനും അറിയണം, 100 രൂപ ഫീസ്. എല്ലാ സ്റൈപ്പന്ററി കോഴ്സുകള്ക്കും അപേക്ഷിക്കാനുള്ള പ്രായം 18 നും 45 നും ഇടയിലും നോണ് സ്റൈപ്പന്ററി കോഴ്സുകള്ക്ക് പ്രായം 50 വരെയും ആണ്. ഹോസ്റല് സൌകര്യം സൌജന്യം. പേര്, വിലാസം, ജാതി, മതം, ജനനതീയതി, വിദ്യാഭ്യാസ യോഗ്യത, ചേരാനാഗ്രഹിക്കുന്ന കോഴ്സ്, ഫോണ് നമ്പര്, രണ്ട് പാസ്പോര്ട്ട് സൈസ് ഫോട്ടോ എന്നിവ സഹിതം പ്രിന്സിപ്പാള്, ഖാദി ഗ്രാമവ്യവസായ പരിശീലന കേന്ദ്രം, നന്ത്യാട്ടുകുന്നം, പോസ്റ് ബോക്സ് നമ്പര് 24, വടക്കന് പറവൂര് പി.ഒ., എറണാകുളം ജില്ല, പിന് - 683 513 വിലാസത്തില് ഒക്ടോബര് 10 നകം അപേക്ഷ അയയ്ക്കണം. കൂടുതല് വിവരങ്ങള് 0484 - 2508232, 2508449 എന്നീ ഫോണ് നമ്പരുകളില് ലഭിക്കും.
No comments:
Post a Comment